İsrail Qüds qüvvələrinin komandanlıq mərkəzlərinə zərbələr endirdi
İsrail Müdafiə Qüvvələri Tehranda İslam İnqilabı Keşikçiləri Korpusunun (SEPAH) Qüds qüvvələrinin komandanlıq mərkəzlərinə zərbələr endirib.
TodayPress TV xəbər verir ki, bu barədə ordunun mətbuat xidməti məlumat yayıb.
"İsrail Hərbi Hava Qüvvələri İsrail Kəşfiyyat İdarəsinin dəqiq göstərişlərinə əməl edərək, SEPAH Qüds qüvvələrinin komanda mərkəzlərinə və İran hərbçilərinə zərbələr endirib", - mətbuat xidməti bildirib.
Ordu Qüds qüvvələrinin şəxsi heyətinin bu komanda mərkəzlərindən İsrailə qarşı terror hücumları təşkil etmək üçün istifadə etdiyini iddia edir.
Töhfə Səməd
