İki ardıcıl zəlzələ binaları tabuta çevirdi, dünya köməyə qaçdı – Düşmənlik kənarda qaldı...

Venesuelada baş verən güclü zəlzələdən sonra 13 ölkə və ərazi, eləcə də BMT və beynəlxalq maliyyə təşkilatları ölkəyə həmrəylik nümayiş etdirərək yardım təklif ediblər.

TodayPress TV xəbər verir ki, bu barədə Venesuela prezidentinin səlahiyyətli nümayəndəsi Delsi Rodriges məlumat verib.

Onun sözlərinə görə, ABŞ, Panama, Qətər, Kuba, Nikaraqua, Türkiyə, İordaniya, Barbados, Kurasao, Kolumbiya, Böyük Britaniya, Braziliya və Meksika Venesuela ilə əlaqə saxlayaraq həmrəylik ifadə edib və dəstək göstərməyə hazır olduqlarını bildiriblər. BMT və beynəlxalq maliyyə təşkilatları da yardım təklif edənlər arasında yer alıb.

Qeyd edək ki, çərşənbə günü axşam Venesuelada 7,2 və 7,5 bal gücündə iki güclü zəlzələ baş verib. Yeraltı təkanların episentri Yarakuy ştatında, bir-birindən təxminən 10 kilometr məsafədə yerləşib.

Rəsmi məlumata görə, təbii fəlakət nəticəsində azı 32 nəfər ölüb, 700 nəfər xəsarət alıb, onlarla bina dağılıb.

Qiymət Mahir