Göbəklitəpədə insan heykəli tapıldı
Mədəniyyət və Turizm naziri Mehmet Nuri Ersoy Türkiyənin Şanlıurfa şəhərinin yaxınlığında yerləşən Göbəklitəpədə (Göbeklitepe) divara montaj edilmiş və qurban kimi qoyulduğu güman edilən insan heykəlinin tapıldığını açıqlayıb.
TodayPress TV xəbər verir ki, bu barədə “TRT Haber” məlumat yayıb.
Belə ki, bu tapıntının Neolit dövrünün ayin və inanc həyatına işıq tutacağı vurğulanıb.
Bənzər nümunələr isə daha əvvəl Qaraxantəpə (Karahantepe) də tapılmışdı.
Bildirilir ki, nazir Ersoy və Yaponiya şahzadəsi Akiko Mikasa UNESCO Dünya İrsi siyahısında olan Göbəklitəpəni ziyarət ediblər və aparılan qazıntılar barədə məlumat alıblar.
Qeyd edək ki, ərazidə aparılan bərpa işləri uğurla davam edir.
Aysel Mətləb
