Fars körfəzində təxliyə əməliyyatı: 1200 dənizçi Hörmüz boğazından necə çıxarıldı?

Fars körfəzində bloklanan Yaponiya ilə əlaqəli neft tankerləri və digər kommersiya gəmilərinin demək olar ki, hamısı Hörmüz boğazı vasitəsilə təhlükəsiz şəkildə təxliyə olunub.

TodayPress TV xəbər verir ki, bu barədə Yaponiyanın torpaq, infrastruktur və nəqliyyat naziri Yasusi Kaneko Tokioda keçirdiyi mətbuat konfransında bildirib.

Nazirin sözlərinə görə, hazırda bölgədə yalnız naviqasiya avadanlığının sazlanmasına ehtiyac duyan dörd konteyner gəmisi qalıb.

Kaneko qeyd edib ki, ABŞ və İsrailin bu ilin fevralında İrana qarşı hərbi əməliyyatlara başlamasından sonra Fars körfəzində Yaponiya şirkətləri ilə əlaqəli 45 gəmi bloklanmışdı. Həmin gəmilərdə müxtəlif ölkələrdən təxminən 1200 dənizçi olub və onların heç biri xəsarət almayıb.

Bununla yanaşı, Yaponiya Gəmi Sahibləri Assosiasiyasının nümayəndəsi bildirib ki, Hörmüz boğazında vəziyyət hələ də mürəkkəb olaraq qalır və hərbi əməliyyatların yenidən başlaması ehtimalı istisna edilmir. Onun sözlərinə görə, hazırda bu marşrutdan yükdaşımalar üçün normal istifadə etmək çətindir.

Qiymət Mahir