Ərdoğan: "Azərbaycan və Gürcüstan bütün imkanlarını səfərbər etdilər"
Azərbaycan və Gürcüstan C-130 təyyarəsinin qəzaya uğramasından sonrakı ilk dəqiqələrdən etibarən bütün mövcud resursları səfərbər edərək kömək göstəriblər.
TodayPress TV xəbər verir ki, bu barədə Türkiyə Prezidenti Rəcəb Tayyib Ərdoğan bildirib.
Onun sözlərinə görə, qonşu ölkələr bütün sahələrdə operativ əməkdaşlıq ediblər: cəsədlərin axtarışında, uçuş qeydedicisinin tapılmasında iştirak ediblər və xilasetmə əməliyyatlarını dəstəkləyiblər.
Türkiyə lideri qeyd edib ki, bütün mövcud resurslar dağıntıların axtarışı, axtarış-xilasetmə qruplarının yerləşdirilməsi və faciə yerində təhlükəsizliyin təmin edilməsi üçün səfərbər edilib. Hadisənin səbəbi "qara qutu" araşdırıldıqdan sonra qəti şəkildə müəyyən ediləcək.
