Əfqanıstanda yol qəzası: 5 nəfər öldü, 2 nəfər yaralandı
Əfqanıstanın cənubundakı Kandahar vilayətində minik avtomobili ilə yük maşınının toqquşması nəticəsində 5 nəfər həlak olub, 2 nəfər isə xəsarət alıb.
TodayPress TV xəbər verir ki, hadisə yanvarın 4-ü səhər saatlarında vilayətin inzibati mərkəzi olan Kandahar şəhərində baş verib.
Yol polisi üzrə məsul şəxs Əbdül Bari bildirib ki, qəza zamanı avtomobildə olan sərnişinlərdən 5-i, o cümlədən bir qadın və bir uşaq hadisə yerində həyatını itirib, daha iki nəfər isə yaralanıb.
Rəsmi şəxsin sözlərinə görə, qəzanın əsas səbəbi sürət həddinin aşılması və yol hərəkəti qaydalarına əməl edilməməsidir. Yaralılar yaxınlıqdakı tibb müəssisəsinə çatdırılıb və onlara tibbi yardım göstərilir.
Qiymət Mahir
