Avstraliyada daşqın: Ölənlər var
Avstraliyanın şərqində güclü leysan yağışlar nəticəsində 4 nəfər həlak olub, bir neçə nəfər isə itkin düşüb.
TodayPress TV xəbər verir ki, bu barədə Yeni Cənubi Uelsin Fövqəladə Hallar Xidməti məlumat yayıb.
Xidmətin sözçüsü bildirib ki, son üç gündə 5700-dən çox hadisə qeydə alınıb, 670-dən çox xilasetmə əməliyyatı aparılıb.
Daşqınlara qarşı mübarizədə 2200 fövqəladə hallar işçisi, 500-dən çox qayıq və 9 helikopter iştirak edir.
150-dən çox icma daşqın zonasında qalıb, minlərlə insan evlərini tərk etmək məcburiyyətində qalıb. 14 evakuasiya mərkəzi fəaliyyətə başlayıb. Mayın 23-nə olan məlumata görə, 50 mindən çox insan təcrid olunub, 7 min ev işıqsız qalıb.
Türkan İsgəndərli
