Amerikada sərnişin təyyarəsinin mühərriki havada alovlandı
ABŞ-də “American Airlines” aviaşirkətinə məxsus “Airbus A321” tipli sərnişin təyyarəsi havaya qalxdıqdan qısa müddət sonra mühərrikində texniki nasazlıq aşkarlanıb.
TodayPress TV xəbər verir ki, şirkətin məlumatına görə, “AA1665” reysi ilə Las Veqasdan Şimali Karolinadakı Şarlott Doqlas hava limanına uçan təyyarə məcburi şəkildə geri dönüb.
Təyyarədə olan 153 sərnişin və 6 nəfərlik ekipaj üzvü arasında xəsarət alan olmayıb.
ABŞ Federal Aviasiya Administrasiyası (FAA) insidentlə bağlı araşdırmaya başladığını, təyyarənin nasazlıq aradan qaldırılana qədər istismardan çıxarıldığını bildirib.
Sosial şəbəkələrdə yayılan kadrlarda təyyarənin sağ mühərrikindən alov və tüstünün çıxdığı açıq şəkildə görünür.
Qiymət Mahir
