ABŞ-nin kosmik gəmisi Aya uçuş trayektoriyasına çıxmağa hazırlaşır
"Artemis II" missiyası çərçivəsində buraxılan və göyərtəsində dörd astronavt olan ABŞ-nin "Orion" kosmik gəmisi Aya uçuş trayektoriyasına çıxmağa hazırlaşır.
TodayPress TV xəbər verir ki, bu barədə NASA məlumat yayıb.
Bildirilib ki, öncə Yerin elliptik orbitində olan gəminin mühərrikləri işə salınacaq. Təxminən 20 dəqiqəlik işdən sonra gəminin sürəti 11 km/s-ə qədər artacaq. Bu, "Orion"u Yer orbitindən çıxararaq Aya uçuş trayektoriyasına yönəldəcək.
Ekipaj Yer orbitini tərk etməzdən əvvəl gəminin sistemlərini, o cümlədən uzaq kosmik rabitə avadanlıqlarını yoxlamağa davam edir.
Aysel Mətləb
