Çoxmərtəbəli yaşayış binasında tüstüdən zəhərlənənlərin son durumu açıqlandı
Yasamal rayonu, M.Seyidov küçəsində yerləşən yaşayış binasında baş verən yanğında tüstüdən zəhərlənən şəxslərdən 20-si evə buraxılıb, 7 nəfərin müalicəsi davam edir.
Bildirilib ki, tüstüdən zəhərlənmə diaqnozu ilə Təcili tibbi yardım şöbəsinə gətirilən 27 nəfərdən 20-nə (13 kişi, 7 qadın) zəruri tibbi yardım göstərilib və vəziyyətləri qənaətbəxş olduğundan onlar ambulator müalicə üçün evə buraxılıblar.
Hazırda 7 nəfər (5 qadın, 2 kişi) Toksikologiya şöbəsində müalicəsini davam etdirir.
Mərkəzin məlumatına görə, onların 6-nın vəziyyəti orta ağır, 1 azyaşlının vəziyyəti isə ağır qiymətləndirilir.
