Muxtar Babayev Antonio Quterreş ilə görüşüb
Azərbaycan Prezidentinin iqlim məsələləri üzrə nümayəndəsi Muxtar Babayev Londonda BMT-nin Baş katibi Antonio Quterreşlə görüşüb.
TodayPress TV xəbər verir ki, M. Babayev bu barədə "X" sosial şəbəkə hesabında yazıb.
"London İqlim Fəaliyyəti Həftəsi çərçivəsində BMT-nin Baş katibi Antonio Quterreşlə görüşməkdən məmnunam", - deyə o bildirib.
Görüşdə COP29 nəticələrinin icrası, COP31-ə hazırlıq müzakirə edilib:
"Həmçinin iqlim öhdəliklərini konkret nəticələrə çevirmək üçün metan emissiyalarının azaldılmasının sürətləndirilməsi, iqlim maliyyəsinin miqyasının artırılması və beynəlxalq əməkdaşlığın gücləndirilməsi barədə fikir mübadiləsi apardıq".
