Azərbaycan nümayəndə heyəti ATƏT PA-nın İstanbul sessiyasına qatılır
Milli Məclisin deputatları – ATƏT PA-da nümayəndə heyətinin rəhbəri Qaya Məmmədov və üzvlər Pərvin Kərimzadə ilə Gülşən Paşayeva noyabrın 16-da təşkilatın 23-cü payız sessiyasında iştirakı üçün Türkiyənin İstanbul şəhərinə səfər edəcəklər.
TodayPress TV xəbər verir ki, sessiyada “ATƏT-in 50 ili: dialoq və əməkdaşlıq vasitəsilə multilateralizmin yenilənməsi” mövzusu müzakirə olunacaq, həmçinin bir sıra təşkilati məsələlərə baxılacaq.
Tədbir çərçivəsində beynəlxalq təhlükəsizlik, siyasi dialoq, qlobal iqtisadiyyat və insan hüquqları üzrə aktual məsələlər gündəmə gətiriləcək, müvafiq qərar və tövsiyələr qəbul ediləcək.
Səfər noyabrın 20-də başa çatacaq.
