ABŞ İranın Azərbaycana qarşı PUA hücumunu pislədi
ABŞ Dövlət Departamenti İranın Azərbaycana qarşı pilotsuz təyyarə hücumunu pisləyib.
TodayPress TV xəbər verir ki, bu barədə departament bəyanat yayıb.
"Amerika Birləşmiş Ştatları 5 mart tarixində İran rejiminin Azərbaycan Respublikasına qarşı Naxçıvan Beynəlxalq Hava Limanını və uşaq məktəbini hədəf alan, günahsız mülki şəxslərin xəsarət almasına və vacib mülki infrastruktura ziyan vurmasına səbəb olan səbəbsiz pilotsuz təyyarə hücumunu qətiyyətlə pisləyir. Amerika Birləşmiş Ştatları bu təhdidlərə qarşı Azərbaycanla tam həmrəydir. Bölgədəki tərəfdaşlarımızın ərazisinə hücumlar qəbuledilməzdir və ABŞ-nin həmin tərəfdaşlara qətiyyətli dəstəyi ilə qarşılanacaq", - deyə qeyd edilib.
Aysel Mətləb
