Yaponiyada güclü zəlzələ baş verdi
Yaponiyanın Hokkaydo adası sahillərində güclü zəlzələ baş verib.
TodayPress TV xəbər verir ki, yerli vaxtla saat 08:08-də (Bakı vaxtı ilə 03:08) qeydə alınan zəlzələnin maqnitudası 6,1 olub.
Zəlzələ əsasən Nemuro yarımadasının cənub-şərq sahillərində hiss edilib. Bu bölgədə təxminən 73 min insan yaşayır. Yeraltı təkanlar Hokkaydonun digər ərazilərində də hiss olunsa da, nəqliyyata və infrastrukturaya ciddi təsir göstərməyib.
Ölən və yaralananlar barədə məlumat verilməyib.
Türkan İsgəndərli
