Emin Ağalarov Rusiya-Azərbaycan münasibətlərinin inkişaf potensialı barədə danışdı
"Rusiya və Azərbaycan münasibətlərini yaxşı kimi qiymətləndirmək olar, bu barədə artıq Azərbaycanın yüksəksəviyyəli rəsmi şəxsləri də danışıblar".
TodayPress TV xəbər verir ki, bu barədə Sankt-Peterburq Beynəlxalq İqtisadi Forumu çərçivəsində "Agalarov Development" şirkətinin prezidenti Emin Ağalarov bəyan edib.
O qeyd edib ki, ikitərəfli münasibətlər bundan sonra da inkişaf edəcək.
"Düşünürəm ki, artıq direktiv var və şadam ki, bu gün rəsmi olaraq forumdakı işgüzar şura çərçivəsində biz yalnız münasibətlərimizin yaxşı olduğunu deyil, həm də onların, həm əmtəə dövriyyəsinin, həm turizmin və bütün istiqamətlərin gələcəkdə daha da inkişaf edəcəyini eşidə bildik", - deyə Ağalarov bildirib.
İş adamı həmçinin Sankt-Peterburqu çox sevdiyini qeyd edib. Onun sözlərinə görə, Şimal paytaxtı ən yaxşı şəhərdir.
