Yeni il gecəsi 19-cu əsrə aid kilsə yanıb
Yeni il gecəsi Amsterdamda XIX əsrə aid Vondelkerk kilsəsi yanıb.
TodayPress TV xəbər verir ki, məlumatlara görə, yanğın gecə yarısından qısa müddət sonra başlayıb.
Nəticədə qüllə, mərkəzi nefin bir hissəsi və damın əhəmiyyətli bir hissəsi çöküb. Yalnız binanın xarici divarları salamat qalıb.
Amsterdam meri Femke Halsema hadisəni "ciddi və dağıdıcı yanğın" adlandırıb.
Hadisə ilə əlaqədar yaxınlıqdakı binaların sakinləri təxliyə edilib. Qonşu küçədəki təxminən doxsan evdə müvəqqəti olaraq elektrik enerjisi kəsilib.
Qeyd edək ki, Vondelkerk 1872-ci ildə inşa edilmiş və yüz ildən çox müddət ərzində katolik kilsəsi kimi xidmət etmişdir. Son illərdə bina mərasim tədbirləri üçün məkan kimi istifadə olunur.
Nicat Osman
