Yaponiyada istilər 10 minə yaxın insanı xəstəxanalıq etdi

Yaponiyada davam edən isti hava şəraiti səbəbilə iyulun 28-dən avqustun 3-dək 9 500-dən çox insan günvurma diaqnozu ilə xəstəxanalara yerləşdirilib, 18 nəfər isə həyatını itirib. 

TodayPress TV xəbər verir ki, bu barədə ölkənin Təcili Yardım funksiyalarını yerinə yetirən Yanğınsöndürmə İdarəsi məlumat yayıb.

Xəstəxanaya yerləşdirilənlərdən 225 nəfərin vəziyyəti ağır olaraq qiymətləndirilir və onların üç həftədən çox müddətə stasionar müalicəyə ehtiyac duyduğu bildirilir. Zərərçəkənlərin təxminən 58%-i 65 yaşdan yuxarı şəxslərdir.

Qeyd edək ki, Yaponiyada yay aylarının əvvəlindən bəri yüksək temperatur müşahidə olunur. 

Töhfə Səməd