ÜST İsraili Qəzza əhalisinin təxliyəsinə icazə verməyə çağırdı
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus İsraili Qəzza zolağından 10 min nəfərin tibbi təxliyyəsinə icazə verməyə çağırıb.
TodayPress TV xəbər verir ki, bu barədə o, Cenevrədə keçirilən
78-ci Ümumdünya Səhiyyə Assambleyasının açılışında çıxışı zamanı bildirib.
“Üzv ölkələrdən daha çox xəstəni qəbul etmələrini, İsraildən
isə təxliyəyə icazə verməsini, eləcə də Qəzzaya qida və dərman çatdırılmasına
imkan yaratmasını xahiş edirik. Çünki əhali bu ehtiyaclar üzrə fövqəladə vəziyyətdədir”
deyə Qebreyesus bildirib.
O əlavə edib ki, ÜST 2023-cü ilin noyabrından bəri Qəzzadan
7300-dən çox xəstənin, o cümlədən 617 onkoloji xəstənin təxliyyəsinə yardım
edib.
Qiymət Mahir
