Tramp suriyalı qaçqınların müvəqqəti statusunu ləğv etdi
Birləşmiş Ştatlarda suriyalı qaçqınlara verilən Müvəqqəti Qorunma Statusu (TPS) ləğv edilib. Bundan sonra Amerikada yaşayış hüququ olmayan suriyalı miqrantlar 60 gün ərzində ölkə hüdudlarını tərk etməyəcəkləri təqdirdə həbs və ya deportasiya ilə üzləşəcəklər.
TodayPress TV bu barədə xarici KİV-ə istinadla xəbər verir.
Yeni qərara əsasən, 2012-ci ildən bəri sözügedən hüquqi statusa malik olan 6 mindən çox suriyalının TPS-dən məhrum ediləcəyi bildirilir.
“Suriyadakı hazırkı vəziyyət daha həmin ölkənin vətəndaşlarının vətənlərinə qayıtmasına heç bir əngəl yaratmır”, - Daxili Təhlükəsizlik Nazirliyinin rəsmisi Trişa Maklaflin qeyd edib.
