Tokayev ekoloji fəlakətlə bağlıxəbərdarlıq etdi
Xəzər dənizinin dayazlaşması ilə bağlı vəziyyət son dərəcə narahatedicidir və ekoloji fəlakətə çevrilmək təhlükəsi yaradır.
TodayPress TV xəbər verir ki, bu barədə Qazaxıstan Prezidenti Kasım-Jomart Tokayev ŞƏT sammitində çıxışı zamanı məlumat verib.
"Diqqətinizi çox incə, lakin ciddi bir məsələyə cəlb etmək istərdim. Bu, Xəzər dənizi ətrafında acınacaqlı vəziyyətdir. Vəziyyət ekoloji fəlakətə yaxınlaşır", - o bildirib.
Bu problemi həll etmək üçün Tokayev Astanada ŞƏT-in himayəsi altında Su Problemlərinin Təhlili Mərkəzinin açılmasını təklif edib.
O vurğulayıb ki, bu mövzu təşkilat daxilində uzunmüddətli məsləhətləşmələr üçün əsas olmalıdır.
