“Tesla” BYD-yə uduzur
“Tesla”nın avtomobil satışları azalaraq 2022-ci ildən bəri ən aşağı səviyyəyə düşüb.
TodayPress TV “Bloomberg”ə istinadən xəbər verir ki, İlon Maskın şirkətinin satışları təkcə 2025-ci ildə 8,6 % azalıb.
Bu da “Tesla”nı dünya üzrə elektrik avtomobilləri istehsalçıları reytinqində Çin şirkəti BYD-dən geri qoyub.
Mənbənin yazdığına görə, son olaraq satış 16% azalaraq 418 min 227 avtomobilə düşüb. Şirkətin 2026-cı il üçün ümumi satış proqnozu 1,6 milyondur ki, bu da 2024-cü ildəki təxminən 1,79 milyon satışdan azdır.
BYD isə həm rübdə, həm də bütün il üzrə satışlarını artıraraq təxminən 2,26 milyon elektrik avtomobili istehsal edib. Hibrid modellər də daxil olmaqla, şirkətin ümumi satış həcmi 2025-ci ildə 4,6 milyon avtomobilə çatıb.
