Rusiya Trampa cavab verdi

Rusiya, ABŞ prezidenti Donald Trampın rusiyalı həmkarı Vladimir Putinlə bağlı açıqlamalarına dözümlü yanaşır. 

TodayPress TV xəbər verir ki, bu barədə Kremlin sözçüsü Dmitri Peskov "Sky News"a müsahibəsində bildirib.

"Trampın özünəməxsus danışıq üslubu var. Biz buna tolerant yanaşırıq və başqalarından da bizə qarşı eyni münasibəti gözləyirik”, - Peskov deyib.

Xatırladaq ki, Tramp daha əvvəl Putinə tövsiyə edib ki, əvvəlcə Ukrayna münaqişəsini həll etsin, sonra isə Yaxın Şərqdəki gərginliklə məşğul olsun. 

O, həmçinin bildirib ki, əgər İran və İsrail arasında vasitəçi olmağa qərar versə, Putinlə əməkdaşlığa açıq olacaq.

Türkan İsgəndərli