Polşa Trampın NATO açıqlamasına reaksiya verdi
"ABŞ olmadan NATO olmaz, lakin müttəfiqlər olmadan da güclü bir ABŞ mümkün deyil".
TodayPress TV xəbər verir ki, bunu Polşanın Baş nazirinin müavini və müdafiə naziri Vladislav Kosinyak-Kamış ABŞ Prezidenti Donald Trampın NATO-dan çıxmaq barədə açıqlamalarını şərh edərkən bildirib.
O, Trampın bəyanatları fonunda soyuqqanlılığı qorumağın vacibliyini qeyd edərək, ABŞ və müttəfiqləri arasındakı qarşılıqlı asılılığı vurğulayıb. Nazir, həmçinin Polşanın NATO-nun şərq cinahında təhlükəsizlik arxitekturasının qurulmasında əsas rol oynadığını diqqətə çatdırıb.
Xatırladaq ki, Britaniyanın "The Telegraph" qəzetinə müsahibə verən Tramp, ABŞ-nin NATO-dan çıxmaq ehtimalını "sadəcə müzakirədən daha ciddi" məsələ kimi xarakterizə edib.
Aysel Mətləb
