Polşa: NATO və Aİ hərbi məsələlərdə rəqabət aparmamalıdır
Avropa İttifaqı (Aİ) NATO-nun səlahiyyətlərinə aid olan hərbi məsələlərə qarışmamalıdır.
TodayPress TV xəbər verir ki, bunu Polşanın müdafiə naziri Vladislav Kosiniak-Kamış bildirib.
"Şimali Atlantika Alyansının hərbi missiyası, Avropa İttifaqının isə iqtisadi missiyası var. Mən bu iki missiyanı qarışdırmazdım. Ordular NATO ilə inteqrasiya olunmalıdır. NATO müdafiə alyansıdır, əməliyyatların aparılması ilə bağlı komandanlıq və strateji elementləri özündə birləşdirməlidir. Aİ isə iqtisadiyyat, inkişaf və təhlükəsizlik, xüsusən də təchizat zəncirləri, hərbi istehsal və milli orduların maliyyələşdirilməsi ilə məşğul olmalıdır", - deyə o qeyd edib.
Aysel Mətləb
