Peskov: Tramp Ukrayna danışıqlarına marağını itirməyib
ABŞ prezidenti Donald Tramp Ukraynada sülh danışıqlarına marağını itirməyib və ukraynalı həmkarı Volodimir Zelenskini razılığa gəlməyə çağırır.
TodayPress TV xəbər verir ki, bu barədə Rusiya prezidentinin mətbuat katibi Dmitri Peskov brifinq zamanı bildirib.
Onun sözlərinə görə, Amerika liderinin son günlərdə Ukrayna mövzusundan fəal şəkildə bəhs etməsi onun bu münaqişənin həllində maraqlı olduğunu təsdiqləyir.
Peskov vurğulayıb ki, Rusiya tərəfi də danışıqların davam etdirilməsinə açıqdır və növbəti raundu səbirsizliklə gözləyir.
Nicat Osmanlı
