Papa XIV Leo Venesuela müxalifət lideri Maçado ilə görüşdü
Roma Papası XIV Leo Vatikan’da Venesuela müxalifət lideri Mariya Korina Maçado ilə görüşüb. Papanın mətbuat xidməti görüşün təfərrüatlarını açıqlamayıb.
TodayPress TV "Kommersant" a istinadən xəbər verir ki, Maçado 2024-cü ildə Venesuelada keçiriləcək prezident seçkilərində iştirak etməyi planlaşdırırdı, lakin hakimiyyət onun namizədliyini bloklayıb.
O, dekabr ayında ölkədən qaçıb və ABŞ-də, eləcə də digər ölkələrdə siyasi dəstək axtarır. Gələn həftə Maçado ABŞ Prezidenti ilə danışıqlar aparmaq üçün Vaşinqtona səfər edəcək.
Papa XIV Leo görüşdən sonra Venesuela xalqının maraqlarının təmin edilməsinə və ölkənin suverenliyinə hörmət edilməsinə çağırıb. Bu görüş, Venesueladakı siyasi vəziyyət və müxalifətin təşəbbüsləri ilə bağlı beynəlxalq diqqəti artırır.
Jalə Rövşən
