Erməniəsilli bloqerin həbs müddəti uzadıldı
Moskvanın Taqanski Rayon Məhkəməsi Rusiya hərbçilərinin xatirəsini təhqir etməkdə ittiham olunan erməniəsilli bloqer Arsen Markaryanın həbs müddətini uzadıb.
TodayPress TV bu barədə "TASS"a istinadən xəbər verir.
Bildirilib ki, məhkəmə istintaqın vəsatətini təmin edib və Markaryanın həbs müddətini 22 fevral tarixinədək uzadıb.
Xatırladaq ki, avqustun 25-də Moskvanın Taqanski Rayon Məhkəməsi Markaryanı hərbçilərin xatirəsini təhqir etməkdə şübhəli bilərək həbs edib. Bu maddəyə əsasən, onu beş ilə qədər həbs cəzası gözləyir.
