Niderland təhlükəli arılara qarşı mübarizəni dayandırdı
Niderlandın Ziland əyaləti yerli tozlandırıcıları təhdid edən böyük invaziv eşşəkarısı olan Asiya hornetini məhv etmək planından imtina edib.
TodayPress TV xəbər verir ki, bu barədə "NL Times" məlumat yayıb.
Bu qərar hornet yuvalarının sayının sürətlə artmasına baxmayaraq, büdcə çatışmazlığı səbəbindən qəbul olunub.
2024-cü ildə bölgədə 1200-dən çox Asiya horneti yuvası aşkar edilib ki, bu da əvvəlki illə müqayisədə dörd dəfə çoxdur.
Asiya horneti ilk dəfə 2017-ci ildə Niderlandda aşkarlanıb və arılar digər tozlandırıcılar üçün təhlükə sayılır. Bu növün mövcudluğu ekosistem və yerli arıçılıq üçün ciddi təhdid təşkil edir.
Türkan İsgəndərli
