Makron Aİ–KARİKOM sammitində iştirak etməyəcək
Fransa Prezidenti Emmanuel Makron Avropa İttifaqı (Aİ), Latın Amerikası və Karib Hövzəsi Birliyinin (KARİKOM) Kolumbiyada keçiriləcək sammitində iştirak etməyəcək.
TodayPress TV xəbər verir ki, bu barədə "Financial Times" nəşri məlumat yayıb.
Mənbənin bildirdiyinə görə, Makronun sammitə qatılmama qərarı ABŞ-nin bu ölkəyə təzyiqləri fonunda qəbul edilib.
Qeyd olunub ki, ABŞ Prezidenti Donald Tramp daha əvvəl Kolumbiyanın “tamamilə narkokartellərin nəzarəti altında” olduğunu bildirmişdi. Tramp və Kolumbiya Prezidenti Qustavo Petro arasında son aylarda qarşılıqlı ittihamlarla müşayiət olunan kəskin bəyanatlar səslənib.
Petro “Univisión” telekanalına müsahibəsində “dünya ya Trampı dəyişməli, ya da ondan xilas olmalıdır” demişdi. Buna cavab olaraq Tramp kolumbiyalı həmkarını “bandit və pis adam” adlandıraraq, “əgər sözlərinə fikir verməsə, ciddi tədbirlər görüləcəyini” bəyan etmişdi.
Bildirilib ki, regionda yaranmış gərginlik fonunda KARİKOM sammiti son anda təxirə salına bilər.
Kolumbiyanın xarici işlər nazirinin müavini Maurisio Xaramillo Xassir isə sammitin keçirilməsində təhlükə olmadığını bildirib.
"Bloomberg"in məlumatına görə, Almaniya kansleri Fridrix Merts və Avropa Komissiyasının rəhbəri Ursula fon der Lyayen də sammitdə iştirak etməyəcək.
Aysel Mətləb
