Lukaşenko Sülh Şurası görüşündə iştirak etməyəcək
Belarus Prezidenti Aleksandr Lukaşenko Sülh Şurası çərçivəsində keçiriləcək liderlərin ilk görüşündə iştirak etməyəcək.
TodayPress TV xəbər verir ki, bu barədə onun mətbuat katibi Natalya Eismont bildirib.
Onun açıqlamasına görə, Lukaşenko görüş üçün dəvət alıb, amma bunu gec aldığından iş qrafiki artıq planlaşdırıldığı üçün tədbirdə iştirak edə bilməyəcək. Həmçinin, Avropa Birliyi tərəfindən tətbiq olunan sanksiyalar səbəbindən logistika çətinlikləri də qərara təsir edib.
Belarus Prezidenti ABŞ-nin qlobal münaqişələri sülh yolu ilə həll etmək səylərini dəstəklədiyini bildirir. Vaşinqtondakı görüşdə Belarusu Xarici İşlər Naziri təmsil edəcək. ABŞ tərəfi bu qərardan xəbərdar edilib.
Türkan İsgəndərli
