Kubada enerji sistemi çökdü, ölkə qaranlığa qərq oldu

Kubada milli enerji sistemində baş verən qəza nəticəsində ölkə üzrə tam elektrik kəsintisi yaşanıb.

TodayPress TV xəbər verir ki, bu barədə ölkənin dövlət elektrik enerjisi şirkəti məlumat yayıb.

Bəyanatda bildirilib ki, milli elektroenerji sistemində tam söndürülmə baş verib və hazırda enerji təchizatının bərpası üçün zəruri tədbirlər görülür.

Şirkət nasazlığın səbəblərini açıqlamayıb.

Qeyd edək ki, 4 mart tarixində də Kubada genişmiqyaslı elektrik kəsintisi baş vermişdi. Həmin vaxt paytaxt Havana və ölkənin qərb bölgələrində milyonlarla insan işıqsız qalmışdı.

Həmin qəzanın səbəbi ölkənin ən böyük istilik elektrik stansiyalarından birində baş verən nasazlıq olmuşdu.

Qiymət Mahir