Pakistan hökuməti Abbas Əraqçi rəhbərlik etdiyi İran nümayəndə heyətinin bu gecə İslamabada gələcəyini açıqlayıb.
TodayPress TV xarici KİV-ə istinadən xəbər verir ki, səfərin məqsədi ABŞ ilə keçiriləcək sülh danışıqlarının ikinci raundunda iştirak etməkdir.
Məlumata görə, tərəflər arasında keçiriləcək görüşlərdə regional təhlükəsizlik, diplomatik münasibətlərin gələcəyi və mümkün razılaşmaların detalları müzakirə olunacaq.
İlk raunddan fərqli olaraq, bu dəfə nümayəndə heyətlərinin təmsilçilik səviyyəsinin nisbətən aşağı olması diqqət çəkir. Ekspertlər bunu tərəflərin daha ehtiyatlı və mərhələli yanaşmasının göstəricisi kimi qiymətləndirirlər.
Hələlik ABŞ tərəfinin danışıqlarda kimi təmsil edəcəyi barədə rəsmi açıqlama verilməyib.
Jalə Rövşən
TodayPress TV
