“Friends”in rejissoru vəfat etdi
“Friends” serialının əfsanəvi rejissoru Ceyms Berrouz 85 yaşında vəfat edib.
TodayPress TV xəbər verir ki, televiziya tarixinin ən nüfuzlu adlarından biri kimi tanınan Berrouzun ölümü Hollivudda böyük kədər doğurub.
Məşhur aktrisa Cennifer Aniston isə ustad rejissora sosial şəbəkə üzərindən səmimi və emosional sözlərlə vida edib.
Aniston instaqram paylaşımında onu “Papa Berrouz” adlandırıb: “O, mənim üçün ata fiquru idi. Bunu yazmaq çox çətindir. Bir ömür boyu insanlara sevildiyini hiss etdirdi. İndi isə bu sevgini bir neçə cümləyə sığdırmaq mümkün deyil”.
Aktrisa bildirib ki, Berrouz “Friends” komandasında hər kəsi “uşaqlar” adlandırırdı və çəkiliş meydanında daim isti, ailəvi mühit yaradırdı: “O bizə həmişə “Uşaqlar haradadır?” deyə müraciət edirdi. Həmişə bizə qayğı göstərir, istiqamət verir, uğurlarımızı qeyd edir və çətin anlarda yanımızda olurdu”.
Cennifer Aniston qeyd edib ki, Berrouzun itkisi yalnız böyük bir rejissorun yoxluğu deyil, həm də onun həyatında mühüm bir mentorun itkisidir: “O bizə bir-birimizə hörmət etməyi, dəstək olmağı və ailə kimi davranmağı öyrətdi. Onun səsini və gülüşünü çox darıxacağam”.
Qeyd edək ki, Ceyms Berrouz “Friends”lə yanaşı “Cheers”, “Taxi” və “Will & Grace” kimi kult serialların da rejissorluğunu edib və Amerika televiziyasının formalaşmasında əsas fiqurlardan biri hesab olunur.
