Rumıniya NATO-nun şərq cinahında ikinci orduya çevrilməyə çalışır
"Yeni “2025-2030-cu illər üçün Milli Müdafiə Strategiyası” Rumıniyaya NATO-nun şərq cinahında Polşadan sonra ikinci ordu olmasına imkan verəcək".
TodayPress TV xəbər verir ki, bunu ölkənin müdafiə naziri İonut Moşteanu bildirib.
"Milli müdafiə strategiyası ona görə vacibdir ki, gələcək illər üçün istiqamət müəyyən edir və son strategiya ilə müqayisədə paradiqma dəyişikliyi təşkil edir. Prezidentin bu strategiyada müəyyən etdiyi ambisiya NATO-nun şərq cinahında Polşadan sonra ikinci hərbi güc olmaqdır", - deyə o vurğulayıb.
Müdafiə idarəsinin rəisi, həmçinin hərbi sahəyə sərmayə qoymaq siyasətinin davam etdirilməsinin zəruriliyini qeyd edib. Buna əsaslanaraq o, əlavə edib ki, ölkə əhalisi yaxın illərdə müdafiə xərclərinin artırılmasının zəruriliyini dərk etməlidir.
Aysel Mətləb
