Fransada 132 min dollar dəyərində ilbiz əti oğurlandı
Fransanın şərqində yerləşən Bouzy şəhərindəki L'Escargot des Grands Crus fermasından 450 kiloqram ilbiz əti oğurlanıb.
TodayPress TV "Daily Star" a istinadən xəbər verir ki, oğurlanmış delikatesin dəyəri təxminən 132 min dollar təşkil edir.
Fermer Jean-Mathieu Dauvergne bildirib ki, oğrular məftil çəpəri kəsərək, qapını sındıraraq və təhlükəsizlik sistemini deaktiv edərək soyuducu otağa daxil olublar.
O deyib ki, cinayətkarlar bütün illik məhsulu aparıblar və bunu yalnız peşəkar şəkildə təşkil olunmuş bir qrup edə bilər.
Qeyd edilib ki, polis də oğurluğun hədəfli şəkildə həyata keçirildiyini və cinayətkarların təcrübəli olduqlarını düşünür.
Jalə Rövşən
