İraqda şiə milis qərargahına zərbə: Ölən və yaralananlar var

İraqın şərqində yerləşən Vasit vilayətində şiə silahlı qruplaşması “Əl-Haşd əş-Şaabi”nin qərargahına endirilən zərbələr nəticəsində bir nəfər həlak olub, bir neçə nəfər yaralanıb.

TodayPress TV xəbər verir ki, bu barədə "Shafaq News" portalı təhlükəsizlik xidmətlərindəki mənbəyə istinadən məlumat yayıb.

Məlumata görə, zərbələr nəticəsində bir qadın həyatını itirib, bir neçə nəfər isə müxtəlif dərəcəli xəsarətlər alıb.

Hadisənin hansı qüvvələr tərəfindən həyata keçirildiyi barədə rəsmi məlumat verilməyib. Hücumun təfərrüatları və zərərçəkənlərin dəqiq sayı araşdırılır.

Qiymət Mahir