Ermənistanın keçmiş müdafiə naziri yenidən axtarışa verildi
Ermənistanın keçmiş müdafiə naziri Mikael Arutyunyan barəsində yenidən axtarış elan edilib.
TodayPress TV xəbər verir ki, Ermənistan mediasına istinadən məlumatına görə, bunu İctimai TV-yə açıqlamasında İstintaq Komitəsinin Baş Hərbi İstintaq İdarəsinin rəis müavini Kamo Saakyan bildirib.
Məlumata əsasən, Arutyunyan müdafiə naziri olduğu dövrdə vəzifə səlahiyyətlərindən sui-istifadədə ittiham olunur.
Eyni iş üzrə Ermənistan Silahlı Qüvvələri Baş Qərargah rəisinin keçmiş müavini Enriko Apriamov da təqsirləndirilən şəxs qismində tanınıb.
Qeyd edək ki, Mikael Arutyunyan 2007–2008-ci illərdə Ermənistanın müdafiə naziri vəzifəsini icra edib.
