Ermənistan yardım üçün Avropa Sülh Fonduna müraciət etdi

Ermənistan Avropa Sülh Fondundan üçüncü maliyyə yardımı paketi üçün Avropa İttifaqına müraciət edib.

TodayPress TV xəbər verir ki, bu barədə xarici işlər naziri Ararat Mirzoyan parlamentin xarici əlaqələr üzrə daimi komitəsində keçirilən müzakirələr zamanı bildirib.

"Ermənistan Avropa Sülh Fondu çərçivəsində ikinci yardımı aldı və biz üçüncüsü üçün müraciət etdik. İkinci yardım 20 milyon avro təşkil edirdi", - deyə o bildirib.

Qeyd edək ki, 23 iyul 2024-cü ildə Aİ Avropa Sülh Fondundan Ermənistana ilk 10 milyon avro ayırıb. 30 yanvar 2026-cı ildə isə Ermənistana 20 milyon avro ayırmağa qərar verilib.

Nicat Osmanlı