Ərdoğanla Mirziyoyev müzakirə apardı

Türkiyə Prezidenti Rəcəb Tayyib Ərdoğan Özbəkistan lideri Şövkət Mirziyoyevlə telefon danışığı aparıb.

TodayPress TV xəbər verir ki, bu barədə Türkiyə Prezident Administrasiyası açıqlama yayıb.

Görüş zamanı Türkiyə və Özbəkistan arasında ikitərəfli əlaqələr, eləcə də regional və qlobal məsələlər müzakirə olunub. Ərdoğan söhbət zamanı iki ölkə arasında yüksək səviyyəli strateji əməkdaşlıq səviyyəsində münasibətlərin inkişafı üçün addımların atılmağa davam ediləcəyini bildirib.

Telefon danışığı çərçivəsində Ərdoğan həmçinin Özbəkistan Prezidentinin doğum gününü də təbrik edib.

Töhfə Səməd