Danimarka: Rusiyanın dron insidentlərində iştirakı təsdiqlənməyib
"Ölkədə hava limanları yaxınlığında qeydə alınan dron insidentlərində Rusiyanın iştirakına dair heç bir dəlil yoxdur".
TodayPress TV "Lenta.ru"-ya istinadən xəbər verir ki, bunu Danimarkanın müdafiə naziri Troels Lund Poulsen bildirib.
Bundan əvvəl polis “Esbjerg”, “Sonderborg” və “Skrydstrup” hava limanlarında dronların görüldüyünü açıqlamışdı. Hadisə ilə bağlı Milli Kəşfiyyat Xidməti, silahlı qüvvələr və digər ölkələrin müvafiq qurumları ilə birgə araşdırmalar aparılır.
Həmçinin sentyabrın 23-də Oslo və Kopenhagen hava limanları naməlum dronların aşkarlanması səbəbindən müvəqqəti bağlanmış, lakin sonradan bu iki hadisənin bir-biri ilə əlaqəli olmadığı təsdiqlənmişdi.
Jalə Rövşən
