Çində 19 uşaq qurğuşundan zəhərləndi

Çinin Qansu vilayətindəki özəl uşaq bağçasında qurğuşundan 19 azyaşlı zəhərlənib.

TodayPress TV xəbər verir ki, bu barədə "Shanghai Zhebao" nəşri xəbər verib.

Məlumata əsasən, bağçanın direktoru cinayət məsuliyyətinə cəlb edilib.

Bildirilib ki, 19 uşaq xəstəxanaya yerləşdirilib. Tibbi hesabatlara görə, onlardan bəzilərinin qanında qurğuşun səviyyəsi 400 mkq/l-ə qədər, xəstəxanaya yerləşdirməni tələb edən 250 mkq/l həddindən xeyli yuxarı idi.

Valideynlərin dediyinə görə, uşaqlarda bir neçə ay ərzində ürəkbulanma, ishal, qarın ağrısı və ayaq ağrısı kimi simptomlar müşahidə olunub.

Türkan İsgəndərli