Britaniyanın büdcə kəsiri rekord həddə çatdı
Birləşmiş Krallıq fevral ayında 14,3 milyard funt sterlinq (19,03 milyard dollar) büdcə kəsiri qeydə alıb.
TodayPress TV xəbər verir ki, bu barədə "İnterfax" Milli Statistika İdarəsinin hesabatına istinadən məlumat yayıb.
Bildirilib ki, bu rəqəm 2025-ci ilin fevral ayı ilə müqayisədə 2,2 milyard funt sterlinq artaraq analitiklərin gözlədiyi 8,5 milyard funt sterlinqdən xeyli yüksək olub.
Fevral ayında büdcə gəlirləri 8,6 milyard funt sterlinq artaraq 104,7 milyard funt sterlinqə, xərclər isə 10,8 milyard funt sterlinq artaraq 119 milyard funt sterlinqə çatıb. Buraya dövlət borcunun faiz ödənişlərinin 5,5 milyard funt sterlinqdən 13 milyard funt sterlinqə qədər artması da daxil olub.
Aysel Mətləb
