Atəşkəsə baxmayaraq, ABŞ ağır silahlarla dolu hərbi təyyarələri bölgəyə göndərir - Flightradar
ABŞ-yə məxsus bir neçə hərbi təyyarə Yaxın Şərq istiqamətində hərəkət edir.
TodayPress TV “Flightradar24” platformasına istinadən xəbər verir ki, hazırda RCH303, RCH546, RCH256, RCH578 və N/A B762 çağırış kodlu təyyarələr bölgəyə doğru uçuş həyata keçirir.
Məlumata görə, RCH303 (Reach 303) təyyarə modeli deyil, ABŞ-ın Hava Mobillik Komandanlığı (Air Mobility Command) tərəfindən istifadə olunan xüsusi uçuş çağırış kodudur.
Bu kod altında əsasən Boeing C-17A Globemaster III tipli strateji hərbi nəqliyyat təyyarələri uçur. Sözügedən təyyarələr hərbi yüklərin, şəxsi heyətin daşınması, həmçinin humanitar missiyaların icrası üçün istifadə olunur.
Qeyd olunur ki, aviasiya tarixində oxşar rəqəmlə adlandırılan mülki Cessna T303 Crusader təyyarəsi mövcud olsa da, uçuş radarlarında görünən “RCH303” kodu birbaşa ABŞ hərbi əməliyyatları və logistika uçuşları ilə bağlıdır.
Mütəxəssislər bildirir ki, "FlightAware" və ya "Flightradar24" platformalarında izlənilən RCH303 uçuşu böyük ehtimalla C-17 yük təyyarəsinə məxsusdur.
Jalə Rövşən
