“Araz-Naxçıvan”dan uğurlu start

“Araz-Naxçıvan” klubu futzal üzrə UEFA Çempionlar Liqasının ilkin mərhələsinə qələbə ilə başlayıb. 

TodayPress TV xəbər verir ki, Azərbaycan çempionu qrup oyununda Şimali İrlandiyanın “Sparta Belfast” (9:1) klubunu darmadağın edib. 

Yevgeni Kukseviçin baş məşqçisi olduğu komanda bu gün Şotlandiyanın "PYF Saltires" klubu ilə qarşılaşacaq.

Avstriyanın Linz şəhərindəki NMS İdman Sarayında keçiriləcək oyun Bakı vaxtı ilə saat 19:00-da başlayacaq.

Qeyd edək ki, "Araz-Naxçıvan" ilkin mərhələdə sonuncu matçını avqustun 30-da Avstriyanın “Ljuti Krajişniçi” klubuna qarşı keçirəcək. 

Namiq HUN