MDB Oyunları: samboçularımız günü iki qızıl medalla bitirdilər
Azərbaycanın 5 samboçusu III MDB Oyunlarının finalında baş mükafat uğrunda mübarizə aparıb.
TodayPress TV xəbər verir ki, Göygöl Olimpiya İdman Kompleksində baş tutan yarışın finalında Nihad Rəhimov (64 kq) rusiyalı rəqibini məğlub edərək Oyunalrın qızıl medalını boynundan asıb.
Onun komanda yoldaşı Rüstəm Qasımzadə (58 kq) isə finalda rusiyalı idmançıya uduzaraq gümüş medalla kifayətlənib.
Samboçularımızdan Əbubəkir Hüseynov (98 kq) və Rəsul Səmədli (+98 kq) də gümüş mükafat əldə ediblər.
Qeyd edək ki, daha əvvəl Abdullətif Musayev (53 kq) həlledici görüşdə Özbəkistan idmançısına qalib gələrək III MDB Oyunlarında komandamıza ilk qızıl medalı qazandırıb.
Namiq HUN
