“Barselona”nın yarımmüdafiəçisi “Atletiko”nun transfer siyahısına düşdü
"Atletiko"nun idman direktoru Mateu Alemani "Barselona" yarımmüdafiəçisi Mark Bernalın agentlərindən biri ilə görüş keçirib.
TodayPress TV “As”a istinadən xəbər verir ki, Madrid klubu yeni mövsüm üçün yarımmüdafiəni gücləndirmək istəyir və 18 yaşlı futbolçu onların diqqətində olan namizədlərdən biridir. Yayda “Barselona”nın oyunçu satacağı gözlənildiyi üçün “Atletiko” vəziyyəti yaxından izləyir.
Qeyd olunur ki, Bernal ötən mövsüm ciddi diz zədəsi alıb və uzun müddət oynamayıb. Hazırda isə o, bərpa prosesindədir və Hansi Flikin planlarına daxildir. Bu zədəni o, məhz “Atletiko”ya qarşı La Liqa matçında almışdı.
Cari mövsümdə Bernal çempionatda 17 oyunda iştirak edib, 2 qol vurub və 1 məhsuldar ötürmə edib.
