Zidan təyinatı ilə bağlı bütün detallar üzə çıxdı

Fransa Futbol Federasiyasının (FFF) prezidenti Filip Diallo Zinəddin Zidanın milli komandanın baş məşqçisi təyin olunmasının təfərrüatlarını açıqlayıb.

TodayPress TV xəbər verir ki, federasiya rəhbəri bu barədə FFF-nin rəsmi saytına danışıb.

Diallonun sözlərinə görə, Didye Deşam 2025-ci ilin yanvarında dünya çempionatından sonra komandadan ayrılacağını açıqladıqdan sonra federasiya Zidanla danışıqlara başlayıb.

“Didye Deşam 2025-ci ilin yanvarında dünya çempionatından sonra işini davam etdirmək istəmədiyini bildirdikdən sonra görünməmiş vəziyyət yarandı. Mən artıq 2025-ci ilin fevralında Zinəddin Zidanla görüşdüm. Bundan sonra onun milli komandaya gəlişini mərhələli şəkildə hazırlamaq üçün daha bir neçə dəfə görüş keçirdik”, – deyə Diallo bildirib.

FFF prezidenti vurğulayıb ki, bu razılıq həm Zidanın Fransa millisini çalışdırmaq arzusu, həm də federasiyanın nüfuzlu və azarkeşlərin dəstəklədiyi mütəxəssisi komandaya gətirmək istəyi nəticəsində əldə olunub.

Qeyd edək ki, Fransa Futbol Federasiyası iyulun 28-də 54 yaşlı Zinəddin Zidanla müqavilə imzalandığını rəsmən açıqlayıb. Tərəflər arasında bağlanan anlaşma 2030-cu il dünya çempionatının sonunadək qüvvədə olacaq.

Namiq HUN