Turin klubundan qərar: Spalletti ilə müqavilə uzadılır
“Yuventus” klubunun baş məşqçisi Luçano Spalletti yeni müqavilədən sonra ildə 6 milyon avro qazanacaq.
TodayPress TV xəbər verir ki, bu barədə jurnalist Nikolo Skira sosial şəbəkə hesabında məlumat yayıb.
Bildirilib ki, Turin klubu ilə müqavilənin uzadılması yaxın günlərdə rəsmiləşdirilə bilər.
Spalletti “Yuventus”a 2025-ci il oktyabrın 30-da baş məşqçi təyin olunub. Onun rəhbərliyi altında komanda 28 oyun keçirib, bunların 15-də qalib gəlib, 6-da məğlub olub, 7 görüşdə isə heç-heçə qeydə alınıb.
Qeyd edək ki, 67 yaşlı mütəxəssisin klubla hazırkı müqaviləsi mövsümün sonuna qədər nəzərdə tutulub.
Namiq HUN
