“Soyuqqanlı olun!” - Turandan oyun öncəsi vacib çağırış
Ukraynanın “Şaxtyor Donetsk” klubunun baş məşqçisi Arda Turan Konfrans Liqasının yarımfinalında İngiltərənin “Kristal Pelas” komandası ilə keçiriləcək oyun barədə danışıb.
TodayPress TV xəbər verir ki, bu barədə UEFA-nın rəsmi saytı məlumat yayıb.
Turan Krakov qarşılaşması ilə bağlı fikirlərini bölüşüb:
“Daha yaxşı oynamaq və finala yüksəlmək istəyirik. Böyük həvəsimiz var, amma yalnız emosiyalarla çıxış etsək, səhvlər edəcəyik. Soyuqqanlı və oyun planımıza sadiq olmalıyıq”.
Krakovun “Henrik Reyman adına Miejski stadionu”nda baş tutacaq oyunun start fiti saat 23:00-da səslənəcək.
Qeyd edək ki, UEFA Konfrans Liqası yarımfinalının cavab oyunu mayın 7-də İngiltərədə keçiriləcək.
Namiq HUN
