Rusiyalı MMA döyüşçüsü küçədə güllələndi
Dağıstanın Mahaçqala şəhərində rusiyalı MMA döyüşçüsü Timur Xizriyevə sui-qəsd cəhdi edilib.
TodayPress TV xəbər verir ki, kamera görüntülərində hadisənin iki silahlı şəxs tərəfindən həyata keçirildiyi məlum olub.
Naməlum şəxslər idmançıya arxadan atəş açıblar. Sonra hücum edənlər ağ rəngli “Priora”ya oturaraq hadisə yerindən uzaqlaşıblar.
İlkin məlumata görə, Xizriyev çiyin, bilək və döş qəfəsindən beşə yaxın yara alıb.
İdmançının vəziyyətinin stabil, həyatı üçün təhlükə olmadığı bildirilir.
